1- 800 - 22 - UNITE

Bahá'í Fedeari buruzko informazioa Estatu Batuetan

Bahá'í-ak

magazinari buruz

Hitzarmena

Bahá’í-ek sinesten dute Bahá’í Fedearen ezaugarri nagusia, batasuna, Jainkoak gizateriari egindako promesan oinarritzen dela, hots, Bahá’u’lláhren heriotzaren ondoren gidaritza izpiritualak jarraitu egingo zuela zioena. Promesa hori Hitzarmena edo Aliantza bezala da ezaguna. 

Jainkoaren eta gizateriaren artean Hitzarmen bat egotearen ideia ezaguna egiten zaie beste erlijioetako jarraitzaileei, jakina. Judu askok uste dute Jainkoak Hitzarmen bat ezarri duela, zeinaren arabera gidatuko dituela agintzen baitie baldin eta Bere legeak betetzen badituzte. Era berean, hainbat eta hainbat kristauk uste dute Jesusek antzeko aliantza bat abiatu zuela Bere jarraitzaileekin.. 

Bahá’í-entzat, Bahá’u’lláhk egindako Hitzarmenak egiaztatu egiten du Jainkoak gizateria gidatuko zuelako promesa, eta jarraikortasuna bermatzen duen sistema da orobat. Zehazki, Hitzarmena Bahá’u’lláhren ondorengotzarekin identifikatzen da, Haren Testamenduan xedatzen den bezala. Ondorengotza Bahá’u’lláhrengandik ‘Abdu’l-Bahá Haren semearengana pasatzen da, eta ondoren ‘Abdu’l-Bahárengandik Shoghi Effendirengana, eta handik Justizia Etxe Unibertsalera. 

Bahá’u’lláhren aliantzari leial izatea Jainkoaren Mezulari den aldetik obeditzea da. Horrek izendatutako ondorengoen autoritatea onartzea dakar, eta Bere Fedearen aurrerabiderako utzi zituen xedapenei atxikitzea. Bahá’í batek Hitzarmena hausten du Bahá’u’lláhk ezarritako autoritatea baztertzen edo hondatzen duenean bere burua bahá’ítzat jotzen duen bitartean. Halako ekintza bat batasunari erasotzea da, alegia, Fedearen ezaugarri nagusiari erasotzea.  

Halako jokabide batekin jarraitzen duen edonori Hitzarmen hausle esaten zaio, eta horrenbestez ez zaio bahá’í erkidegoan sartzen uzten. Pertsona horri berriro eman dakioke sartzeko aukera, baldin eta benetako gomuta erakusten badu. 

Errakuntza moralek, esate baterako, bahá’í bizimoduaren ereduari ez atxikitzea, ez dakarte Hitzarmenaren erabateko haustura. 

Datozen orrietan: 

• `Abdu'l-Baháren portreta   [50. orr.]
• `Abdu'l-Bahá eta arrazakeria  [51. orr.]
• Bederatzi puntuko izarra [52. orr.]
• Shoghi Effendiren gutunak, bere garairako aurreratua zen Estatuaren ikuspena [54. orr.]
• Bahá’í-en jazarpena Iranen [59. orr.]
• Nazioarteko Bahá’í Erkidegoa eta Nazio Batuak  [60. orr.]
• Baraua [60. orr.]

"Bahá'í-ak, Nazioarteko Bahá'í Erkidegoaren publikaziotik hartutako testua".

Atzera  |  Gora |  Hurrengora