1- 800 - 22 - UNITE

Bahá'í Fedeari buruzko informazioa Estatu Batuetan

Bahá'í-ak

magazinari buruz

“Kausaren Eskuak” eta “Kontseilariak”

Taldearen lidergoan jarritako enfasia, banakoaren autoritatearen aurrean, sistema administratibo bahá’í osoan aurkitzen da. Batzar Izpìritualak baitira, banakoak baino gehiago, erabakiak hartu eta beren erkidegoen norabidean eragina izango duten erabakiak hartzen dituztenak. 

Alabaina, erabaki horietan eragin sakona dute Bahá’í Ordena Administratiboko erakunde aholkularietako kideen aholkuak. Pertsona horiek -gizon zein emakume- aukeratuak izaten dira komunitateko organo erabakitzaileen aholkulari moduan jardun dezaten, baita Fedearen kideen animatzaile gisa ere. 

Aholkulari hauen artean “Jainkoaren kausaren eskuak” gailentzen dira. Fedearen historian barrena, titulu hori 47 bat pertsonari eman zaie, guztiak Bahá’u’lláhk berak edo Shoghi Effendik izendatuak. Hiru bakarrik bizi ziren 1996an. Ez dago gehiagorik izendatzeko aukerarik. 

1968an, Justizia Etxe Unibertsala hasi zen izpiritualki helduak eta esperientziadunak ziren pertsona kopuru bat “Kontseilari Kontinental” izendatzen, Kausaren Eskuek bete izandako funtzioei jarraipena eman ziezaieten. Bost urteko aldietarako izendatzen dituzte, eta beren jarduerak Kontseilari Gorputz Kontinentalaren bidez koordinatzen dituzte. Gorputz Kontinentalen kideak eskualde kontinental jakin batekoak dira, eta haien lana, berriz, Nazioarteko Irakaskuntza Zentro delako baten bidez koordinatzen da. Zentro hori Haifan dago (Israel), eta haren kideen artean aurkitzen dira Kausaren Esku guztiak gehi zenbait Kontseilari. Kontseilari Kontinentalek, beren aldetik, hainbat laguntzaile eta asistente izendatzen dituzte, haien egitekoa eskualde eta toki mailako komunitateetan adore eta aholku ematea delarik. Munduan, guztira, 72 Kontseilari daude. 

Datozen orrietan: 

• Alderdi politikan ez sartzea [46. orr.]
• Nola finantzatzen diren bahá’í-ak [46. orr.]
• Bahá’í Mundu Zentroa [47. orr.]

"Bahá'í-ak, Nazioarteko Bahá'í Erkidegoaren publikaziotik hartutako testua".

Atzera  |  Gora |  Hurrengora

Jainkoaren Kausaren Eskuak 1963an, estreinako aldiz Justizia Etxe Unibertsala hautatua izan zenean.