1- 800 - 22 - UNITE

Bahá'í Fedeari buruzko informazioa Estatu Batuetan

Bahá'í-ak

magazinari buruz

Bahá’í-en jazarpena Iranen

BAHÁ’Í-EK, NAZIOARTEKO IKUSPEN BATEN ALDE KONPROMETITUAK, SUFRIMENDUAZ ERAKUSTEN DUTE BEREN KONBIKZIOEN BALIOA

Joan den mendean barrena, Iraneko bahá’í-ek jazarpenak jasan zituzten. 1979an, iraultza islamikoaren garaipenarekin batera, jazarpena sistematiko bihurtu zen. 200dik gora bahá’ítar izan dira exekutatu edo erailak, ehundaka batzuk gehiago espetxeratuak izan dira, eta hamar milaka lagun lan, pentsio, negozio zein lan egiteko aukerarik gabe geratu dira. Gobernuak debekatu egin ditu bahá’í egitura administratibo guztiak. Leku sakratuak, santutegiak eta kanposantuak konfiskatu, birrindu edo larriki hondatuak izan dira.. 

Bahá’í erkidegoaren 350.000 kideek herrialdeko gutxiengo erlijiosorik handiena osatzen dute. Bahá’í-ek beren sinesmenengatik soil-soilik jasan dute opresioa. Azken urte hauetan, Iraneko eta beste leku batzuetako fundamentalista islamikoek Islamerako mehatxu gisa ikusten dute Bahá’í Fedea, eta horregatik heresetzat jotzen dituzte bahá’í-ak. Klero musulmana bereziki nahigabetuta dago Fedeak emakume eskubideei dagokienez duen izaera aurrerakoiarengatik, egiaren ikerketa libreaz duen printzipioarengatik eta haren ezkuntz planteamenduengatik.  

1983ko ekainean, agintariek 10 emakume eta neskato bahá’í atxilotu zituzten. Karguak: haurrei Bahá’í Fedeari buruz eskolak ematea (tradizio kristaueko herrietan izaten den katekesiaren baliokidea).  

Emakumeek tratu txarrak jasan zituzten, fisikoak zein psikikoak, beren Fedeari uko egin ziezaioten (alternatiba hau ematen zaie beti bahá’í presoei). Haatik, Iranen atxilotutako gehienek bezala, ez zuten beren sinesmenez arnegatu eta, horrenbestez, exekutatu egin zituzten. 

Nazioarte mailan protesta irmoak altxatu ziren jazarpen haren aurka. Mundu osoko egunkarietako milaka artikuluk islatu zuten Iraneko bahá’í-en egoera. Nazioarteko erakunde garrantzitsuek, Europako Parlamentua eta beste zenbait herrialdetako legebiltzarrak barne, kondena ebazpenak onetsi zituzten, haietan bahá’í iraniarrei buruzko kezka azaltzen zelarik. Eta are garrantzitsuagoa, Nazio Batuetako Giza Eskubideen Batzordeak eta Batzar Orokorrak urtero onetsi izan dituzte ebazpenak, Gobernu iraniarrari presio egiteko giza eskubideen mailako nazioarteko hitzarmenak bete ditzan. 

90. hamarkadaren hasieran, nazioarteko aldarri horri erantzunez, motelduak ziren jazarpenaren alderdi bortitzenak, baina hala ere 1992an 50 urteko enpresari bahá’í bat eraila izan zen Gobernuak hala aginduta. Iraneko bahá’í-ek oraindik ere ez dauzkate kultu askatasuna erabiltzeko funtsezko bermarik. Etengabeak dira nazioarteko ahaleginak haien emanzipazioa eskuratzeko. 

Datozen orrietan: 

• Nazioarteko Bahá’í Erkidegoa eta Nazio Batuak  [60. orr.]
• Baraua [60. orr.]

"Bahá'í-ak, Nazioarteko Bahá'í Erkidegoaren publikaziotik hartutako testua".

Atzera  |  Gora |  Hurrengora