1- 800 - 22 - UNITE

Bahá'í Fedeari buruzko informazioa Estatu Batuetan

Bahá'í-ak

magazinari buruz

‘Abdu’l-Bahá eta arrazakeria

“Genesiaren hitzen arabera, Jainkoak esan zuen: «Egin dezagun gizakia; izan bedi gure antzeko, gure irudiko». Esaldiak adierazten du gizakiak Jainkoaren antza eta irudia dituela, hau da, Jainkoaren perfekzioak (bertute jainkotiarrak) giza errealitatean islatu edo errebelatu egiten direla. Eguzkiaren argia eta distira ispilu pulitu batean gloria eta handitasunez islatzen diren bezala, halaxe irradiatzen direla pertsona baten bihotzaren sakonetik Jainkotasunaren kualitate eta atributuak. Hauxe da ebidentzia: gizakia izakien arteko nobleena da (...).  

Aurki dezagun, bada, xehetasun osoz zertan den Jainkoaren antz eta irudi hori eta zein irizpide edo ereduren bidez neurtu eta balioesten diren. Irizpide bakarra harengan errebelatzen diren bertute jainkotiarrena izan behar du. Horrenbestez, kualitate jainkotiarrak dauzkan gizaki oro, zeruaren perfekzio eta ezaugarri moralak islatzen diren gizaki oro, atributu goraipagarri eta idealak adierazten dituena, gizaki hori benetan dago eginda Jainkoaren antza eta irudiaren arabera. Gizaki batek ondasunak baditu, esan al dezakegu Jainkoaren antza eta irudia dituela? Edo ohorea eta ospea al dira hurbiltasun jainkotiarraren irizpidea?  

Arraza kolorearen probaz balia al gaitezke gizaki batek larruazal kolore jakin bat duenean -zuria, beltza, marroia edo gorria dela- bere Sortzailearen benetako irudia dela? Beraz, ondorioztatu beharrean gaude kolorea ez dela ez irizpide ez epai elementua, eta ez duela garrantzirik, larruazalaren kolorea naturaren gertakaria baita. Gizakiaren izpiritu eta inteligentzia funtsezkoak dira (...). Horrenbestez, jakin bedi larruazal koloreak eta arrazak ez dutela inongo garrantzirik. Jainkoaren antza eta irudia dituena eta dohai jainkotiarrak erakusten dituena, hori da onargarria Jainkoaren Atalasean. Zuria, beltza edo beltzarana izatea, bost axola. Gizakia ez da gizaki soil-soilik ezaugarri fisikoengatik. Haren izpirituak eta inteligentziak ematen dute haren neurri eta zuhurtzia jainkotiarren irizpidea (...).  

Gizaki baten bihotza puru eta garbia izan daiteke haren larruazala beltza izanda ere; edo haren bihotza beltza eta bekatuz betea egon daiteke haren larruazalaren kolorea zuria izan arren. Izaera eta bihotz purutasuna dira garrantzizkoena”.  

-1912ko apirilaren 30ean Chicagoko (Illinois) Handell Hall delakoan egindako Koloreko Jendearen Aurrerabidearen aldeko Elkartearen Laugarren Nazio Konferentzian ‘Abdu’l-Bahák emandako hitzaldi baten zatiak

Datozen orrietan: 

• Bederatzi puntuko izarra [52. orr.]
• Shoghi Effendiren gutunak, bere garairako aurreratua zen Estatuaren ikuspena [54. orr.]
• Bahá’í-en jazarpena Iranen [59. orr.]
• Nazioarteko Bahá’í Erkidegoa eta Nazio Batuak  [60. orr.]
• Baraua [60. orr.]

"Bahá'í-ak, Nazioarteko Bahá'í Erkidegoaren publikaziotik hartutako testua".

Atzera  |  Gora |  Hurrengora

1920. hamarkadan, Estatu Batuetako bahá’í erkidegoak  “Arraza arteko adiskidetasun” hitzaldi sorta bat antolatu zuten, hala nola argazki honetakoa, 1921ean Springfield-en (Massachusetts) egindakoa 1.200 pertsonaren aurrean