1- 800 - 22 - UNITE

Bahá'í Fedeari buruzko informazioa Estatu Batuetan

Bahá'í-ak

magazinari buruz

Bahá’í Mundu Zentroa: mundu mailako erkidego baten zentro fokala

MUNDU MAILAKO BAHÁ’Í ERKIDEGOAREN ZENTRO ADMINISTRATIBOA KARMEL MENDIAREN GOIALDEAN ALTXATZEN DA

Hil aurretik, Bahá’u’lláhk adierazi zuen Berak fundatutako Fedearen mundu mailako egoitza Haifa-Akká inguruan kokatu behar zela, gaur egun Israel den aldearen iparrean. Eskualdea Bahá’í Fedearen bihotz izpiritual eta administratiboaren etxea da. 

Bahá’u’lláhren eta Báb-aren gorpuzkinak inguru horretan aurkitzen dira. Báb-aren Mausoleoaren kupula urreztatua Karmel Mendiaren magaletan dago kokatuta, eta Bahá’u’lláhren Santutegia Bahjín dago, Akkáren inguruko leku batean, badiaren beste aldean. Bi puntu horiek, lorategi ederrez inguratuak, bahá’í munduaren bi leku sakratuenak dira. 

Bahá’í Fedearen zentro administratiboa Haifan dago, zehazki Karmel Mendian. Báb-aren Mausoleoa baino goraxeago, sigi-saga doan bide baten goialdean, eta lorategi eskerga baten parte bezala, Bahá’í Fedearen nazioarteko gobernu erakundea den Justizia Etxe Unibertsalaren egoitza dago. Eraikin horretan eta inguruko beste batzuetan, 50 herrialdeetatik datozen 500 bat pertsonak munduko bahá’í erkidegoaren nazioarteko arazoak administratzen dituzte. 

Haifatik, informazioa nazio mailako bahá’í erkidegoetara igortzen da; nazioarte mailako helburu eta planak hedatzen dira; garapen ekonomiko eta sozialerako proiektuen jarraipena egiten da; estatistikak bildu eta landu egiten dira; eta nazioarte mailako fondoak administratzen dira. Badago orobat nazioarte mailako artxibategien eraikin bat, Bertan Báb-a, Bahá’u’lláh eta ‘Abdu’l-Baháren bizitzekin zerikusia duten erlikia, idazki eta objektu anitz gordetzen dira. 

90. hamarkadaren hasieran eraikuntza fase berri bati ekin zitzaion, zeinak Fedearen hedapen azkarraren isla baita. Lurrak labakitu dira terraza sorta bat egiteko Báb-aren Mausoleoaren gainetik eta azpitik. Lan berdinei ekin zaie bertan eraikin instituzionalak ezartzeko, guztia 150 milioi dolarretik gorako aurrekontua duen programa baten barruan. 

Urtero, mundu osotik etorritako milaka erromes joaten dira Santutegietan otoitz egitera eta meditatzera. Bahá’í-en leku sakratuak ere bisitatzen dituzte. Erromesaldi horietan munduko leku guztietako pertsonak abiatzen dira, eta Fedeari kohesio eta integrazio soziala emateko balio dute. 

 

"Bahá'í-ak, Nazioarteko Bahá'í Erkidegoaren publikaziotik hartutako testua".

Atzera  |  Gora |  Hurrengora

Nazioarteko Artxibategien eraikina Karmel mendiaren magaletan aurkitzen da, eta bertan gordetzen dira Bahá’u’lláhren garaiko objektu ugari.

Bahá’í erromes talde bat Báb-aren Mausoleora sartzen otoitz egitera.