1- 800 - 22 - UNITE

Bahá'í Fedeari buruzko informazioa Estatu Batuetan

Bahá'í-ak

magazinari buruz

Hemeretzi Egunen Jaia: otoitza lagunartekotasuna eta oinarrizko demokrazia

Bahá’í-en bizitza komunitarioaren ardatza Hemeretzi Egunen Jaiaren inguruan eratzen da; ekintza horretan, tokiko komunitatea biltzen da Jainkoa gurtzeko eta beren konbibentzia ospatzeko. 

Hemeretzi egunetan behin, haur zein helduentzat zabalik dagoen jai honen helburua tokiko erkidegoaren batasuna gordetzea eta berritzea da. Programa premia kultural eta sozial ugaritara egokitzen bada ere, badira inoiz faltatzen ez diren hiru osagai: deboziozko ekintzak, kontsulta administratiboa eta lagunartekotasuna. Jaiak gurtzea, gobernu demokratikoa eta jai giroko alaitasuna konbinatzen ditu. 

Beharbada “jaia” hitzak oturuntza handi baten ideia iradokitzen die zenbait irakurleri. Baina ez da halakorik. Bertan janaria eta edaria egon daitezkeen arren, “jaia” hitzaz gurtza, batasun eta lagunartekotasunezko “jai izpirituala” adierazi nahi da. Bahá’u’lláhk azpimarratu zuen garrantzitsua zela hemeretzi egunero bilera bat egitea “bihotzak sendotzeko” helburuarekin, nahiz bertan ura besterik ez eman. 

Deboziozko aldian ozen irakurtzen dira Bahá’í idazkietako zatiak, baita zenbaitetan beste erlijioetako idazkiak ere. Ondoren komunitate arazoen eztabaida dator, bertan denok hitz egin dezaketelarik; hartara, Jaia “gizartearen sustraian bertan ezarritako foru demokratiko” bilakatzen da. Jaia senidetasunezko une batekin amaitzen da. 

Hurrengo orrietan 

• Zenbat Bahá'í dira munduan? [13. orr.]

"Bahá'í-ak, Nazioarteko Bahá'í Erkidegoaren publikaziotik hartutako testua".

Atzera  |  Gora |  Hurrengora