1- 800 - 22 - UNITE

Bahá'í Fedeari buruzko informazioa Estatu Batuetan

Bahá'í-ak

magazinari buruz

Nazioarteko Bahá’í Erkidegoa eta Nazio Batuak

Munduko Bahá’í Erkidegoak Nazioarteko Bahá’í Erkidegoaren bulegoen bidez kudeatzen ditu bere harremanak munduarekin. 

1948z geroztik, Nazioarteko Bahá’í Erkidegoa aintzatetsia izan da Nazio Batuen aldetik Gobernuz Kanpoko Erakunde gisa. 1970ez geroztik aholkulari estatusa du Nazio Batuen Kontseilu Sozial eta Ekonomikoaren (ECOSOC) zein Haurrentzako Nazio Batuen Fondoaren (UNICEF) aurrean. Lan harremanak ditu orobat Munduko Osasun Erakundearekin (OMS), eta elkarlanean dabil Nazio Batuen Inguramenerako Programarekin (UNEP). 

Nazioarteko Bahá’í Erkidegoaren zereginak bulego espezializatuen bidez kudeatzen dira, hala nola Idazkaritza Nagusia, Nazio Batuetako Bulegoa, Informazio Publikorako Bulegoa, Inguramenerako Bulegoa eta Emakumearen Aurrerabiderako Bulegoa. 

Munduko Bahá’í Zentroan (Haifan), New York, Geneba, Paris, Hong Kong, Londres, Jerusalen eta Fiyin ezarritako ordezkarien bidez, bulego horiek jarduera sorta zabal bat egiten dute bakearen, giza eskubideen, hezkuntzaren, osasunaren, inguramenaren kontserbazioaren, garapen eutsigarriaren eta emakumearen berdintasuna sustatzearen alde. Jarduera hauetako asko nazio mailako bahá’í komunitateekin elkarlanean bultzatzen dira. Horien guztien berri ematen da ONE COUNTRY izeneko nazioarteko Aldizkarian (badago espainierazko bertsioa).  

Nazioarteko Bahá’í Erkidegoak nazioarteko erakunde eta GKE askorekin aritzen da elkarlanean. Gainera, erakunde askoren bazkide da, hala nola: Naturarako Munduko Fondoaren Erlijio eta Kontserbazio Sarea, Gure Etorkizun Komunaren Zentroa, Denontzako Heziketa Sarea, Erlijio eta Bakeari buruzko Mundu Konferentzia eta Afrikako Elikagaien Segurtasunerako Abokatuak. 

Datozen orrietan: 

• Baraua [60. orr.]

"Bahá'í-ak, Nazioarteko Bahá'í Erkidegoaren publikaziotik hartutako testua".

Atzera  |  Gora |  Hurrengora