1- 800 - 22 - UNITE

Bahá'í Fedeari buruzko informazioa Estatu Batuetan

Bahá'í-ak

magazinari buruz

Ikuspegi berriak arazo zaharrentzat

BAHÁ’Í PARTEHARTZEA HEZKUNTZAN, INGURAMENEAN ETA GARAPENEAN

Historikoki, erlijioa bitarteko indartsuenetariko bat izan da giza jarrera eta portaeren aldaketarako. Gizateriak nozitzen dituen gaitz sozial anitzei aurre egiteko, bahá’í-ak, Jainkoak egun honetarako emandako hitzan inspiraturik, ekintza eta eraldaketa sozialerako eredu berri eta itxaropentsuak sortzen ahalegintzen dira.  

Bahá’í Erkidegoaren baliabideak mugatuak izan arren, erlijio zaharragoetako erakundeek eskura dituzten baliabideekin erkatuz gero, eta zer esanik ez gobernu eta nazioarteko erakundeen baliabideen aldean, hori ez da eragozpena izan azken urteotan ahalegin sorta bat abiarazteko azpigarapenak eta inguramen degradazioak ekarritako arazoei aurre egiteko. 

Ahaleginaren garrantzia ez datza ez zenbatekoan ez eskalan, eredu horrek munduari eskaintzen dion berritasun eta itxaropenean baizik. 

Arestiko datuen arabera, mundu osoko bahá’í erkidegoak tokiko garapenerako 1.300 proiektu inguru ari dira aurrera eramaten, alfabetizazio zentro apaletatik hasi, oihaneztapen kanpainetatik pasa eta kontsultategi eta inguramen ikerketa zentroak ezartzeraino. Proiektu gehien-gehienak Hirugarren Mundua deitzen zaion horretako herrialdeetan ari dira egiten. 

Bahá’u’lláhk duela 100 urte baino gehiago deskribatutako printzipio izpiritual, sozial eta administratiboen integrazioak egiten du berezi Bahá’í ikuspuntua. Edozein dela ere aipatu printzipioak aplikatzen diren alorra -izpiritualtasuna, ideia sozialak, prozedura administratiboak-, agertutako ikuspegiak berritzaileak dira. 

Beren osotasunean hartuta, haien eragina biderkatu egiten da. Areago, bahá’í-ak sinetsita daude Bahá’u’lláhren irakaspenetan lanabes ugari daudela bereziki egokiak suertatzen direnak jarduketa kolektiboetarako, eta jarduketa horiei ekin beharko die gizateriak aro berrian bizirik iraun eta aurrera egingo badu. 

Bahá’u’lláhren irakaspen izpiritualek autosufizientzia eta norberaren balioa azpimarratzen dituzte, eta arazo sozialen eta haien kausen tratamendu globala bultzatzen dute. Baina agian nabarmenena zera da, Bahá’u’lláhren irakaspenak giza izaeraren osagai sakonenekin lotzea -osagai horiek berez izpiritualak direlarik-, eta neurri horretan etekina ateratzen diote giza izpirituan dagoen indar motibatzaileari. 

Bahá’u’lláhren irakaspen sozialek gizarte modernoaren ideal eta asmo nobleenekin bat datorren portaera eta ekintza eredu bat ezartzen dute. Haietan justizia islatzen da eta aplikazio praktikoak aurki daitezke arazo sozialak konpontzeko. 

Esate baterako, pobrezia arintzeko ahaleginak ezin dira emakumearen sustapenari zuzendutako beste zenbait jardueratik banandu. Munduko behartsu gehienak emakumezkoak eta haurrak dira. Garapen bidean dauden herrialde askotan, batez ere Afrikakoetan, emakumezko nekazariek lantzen dute elikaduraren parte gehiena. Bahá’í ikuspuntutik, logikoa dirudi pentsatzea eskualde horietako edozein hobekuntza hornidurari dagokionez emakumearen estatusaren hobekuntzaren baitan egongo dela. Inguramenari eta garapenari dagozkien beste zenbait arazo konpondu egiten dira beste arazo batzuei, hala nola arrazakeria, hezkuntza falta eta erlijio gatazka, ekiten zaienean. 

Bahá’u’lláhk sortutako ordena administratiboak era berean gizartean jarduteko beste modu bat dakar halaber. Toki, nazio eta nazioarte mailako gobernu batzarrek osatzen duten mundu mailako sarea administratzeko eredu dezentralizatu bat da. Hau bereziki egiazkoa gertatzen da Tokiko Batzar Izpiritualen kasuan, benetako oinarrizko organo horiek erabakiak hartzen baitituzte garapenari dagokionez. 

Gainera, kontsulta prozedurak, bahá’í-ek egiten dituzten modura, egoera sorta zabal bati aplika dakizkioke elkarlana eta gizarte garapena sustatzeko helburuz.[Ikus 43. orr.Kontsulta]  jarraitzen du

"Bahá'í-ak, Nazioarteko Bahá'í Erkidegoaren publikaziotik hartutako testua".

Atzera  |  Gora |  Hurrengora

Pan y Paz antzerki taldeak, Puna-ko (Peru) bahá’í irratia babesle duena, jantzi tradizionalak eta txotxongiloak erabiltzen ditu osasun eta higieneaz informazioa emateko. Argazkian El retorno del Robachicos agertzen da; taldearen dramatizazio honen helburua amei haurren osasunari eta bestelako ardurei buruz aholkuak ematea da.

Indore-ko (India) Landetako Emakumearentzako Lanbide Heziketa Institutuan, herri urrunetatik datozen emakume gazteek irakurtzen, idazten, josten eta bestelako trebeziak bereganatzen ikasten dute.Indore-ko (India) Landetako Emakumearentzako Lanbide Heziketa Institutuan, herri urrunetatik datozen emakume gazteek irakurtzen, idazten, josten eta bestelako trebeziak bereganatzen ikasten dute.