1- 800 - 22 - UNITE

Bahá'í Fedeari buruzko informazioa Estatu Batuetan

Bahá'í-ak

magazinari buruz

Mundu mailako kanpaina bakearen alde

1985ean, mundu osoko bahá’í-ek ahalegin handi bat egin zuten mundu bakea lortzeko oztopo itxuraz gaindiezinak hain luzaro eratu dituzten jarrera eta jardunbide zaharrak giza kontzientziatik erauzi nahian. 

Kanpaina Mundu bakearen promesa izeneko gutun batez hasi zen. Gutuna “munduko herriak” zituen hartzaile. Dei bat egiten zen bertan mundu mailako buruzagiak planetaren bakera daramaten bitarteko eta bideak aztertzera bil zitezen. Dokumentuak bakea luzaro iritsiezintzat hartua izana ekarri duten arrazoiak aztertzen zituen; oztopo gisa nazionalismoa, arrazakeria eta liskar erlijiosoak aipatzen zituen; azkenik, oztopo horiek gaindi ditzaketen ikuspuntu berriak deskribatzen zituen.  

Dokumentuak, Justizia Etxe Unibertsalak egina, adierazten zuen ezen gizateria heldutasun kolektiboko etapa batean sartzen ari denez, azkenik gainditu egin zitezkeela aipatu oztopoak. Orain bakea saihestezina da; kontua da ea elkarlan inteligente batez eskuratuko den, ala gatazka hondatzaileen ondoren. (Ikus zatiak 71. orrialdean) 

Mezu hark bultzatuta, munduko bahá’í erkidegoak kanpaina sistematiko bati ekin zion dokumentuko ideiak barreiatzeko. Urte gutxiren buruan, milioi bat aletik gora zabaldu ziren. Gutuna hartu zutenen artean badaude gobernu mailako pertsonaiak, akademikoak eta Estatu Buruak. Banaketa hori gertatu zen garai bertsuan, mundu osoko aldizkari eta egunkari ugarik testua erreproduzitu zuten, osorik nahiz zatiren bat. Xede berberarekin, mundu osoko bahá’í komunitateek milaka hitzaldi antolatu zituzten toki, eskualde eta nazio mailan. Mintegi, kontzertu, antzezpen dramatiko, erakusketa eta feria ugari ere antolatu ziren. 

1987an, Nazioarteko Bahá’í Erkidegoak eta bost nazio mailako bahá’í Komunitatek “Bake Mezularia” saria hartu zuten Nazio Batuen eskutik. Saria 1986. urtean zehar, zeina Nazio Batuek Nazioarteko Bake Urtea izendatu baitzuten, gobernuz kanpoko erakundeek egindako lana eskertzeko eman zen.  

Datozen orrietan:

• Mundu bakearen promesa [71. orr.]

"Bahá'í-ak, Nazioarteko Bahá'í Erkidegoaren publikaziotik hartutako testua".

Atzera  |  Gora |  Hurrengora