1- 800 - 22 - UNITE

Bahá'í Fedeari buruzko informazioa Estatu Batuetan

Bahá'í-ak

magazinari buruz

Mende erdia baino gehiago duen historia

Bahá’í Fedea 1947an iritsi zen Espainiara Virginia Orbison iparramerikarraren eskutik. Hurrengo urtean, lehen Bahá’í Tokiko Batzarra (Tokiko Batzar Izpirituala) sortu zen Madrilen. Gaur egun komunitate honek dituen 4.000tik gora bahá’í-ak 300dik gora herritan daude finkatuta Espainia osoan zehar eta ehundik gora Tokiko Batzarren inguruan daude antolatuta. 

1962an eratu zen Espainiako lehen Batzar Izpirituala, Bahá’í Erkidegoaren gobernu organo gorena. Erlijio Askatasunaren legea onetsi ondoren, Bahá’í Erkidegoak legezko aintzatespena lortu zuen 1968an, eta 2 zenbakiarekin zerrendatu zen Justizia Ministerioko Elkarte Konfesional ez Katolikoen Errejistroan. 

Bahá’í Erkidegoak Madrilen du egoitza nagusia (Matías Turrión, 32an). Handik koordinatzen dira Bahá’í Erkidegoa egiten ari den ahaleginak bahá’í printzipioak hedatu, garapen programak ezarri eta gizarteari bestelako zerbitzuak ematearren. 

Bahá’í-ek badituzte zentro administratiboak Bartzelona, Valentzia, Zaragoza, Malaga, Kanaria Handiko Las Palmas, Tenerife, Mallorkako Palma, Murtzia, Cartagena, Terrassa, Sabadell, Irun eta Fuengirolan. Horiei gaineratu egin behar zaie Madril, Bartzelona, Irun, Mallorkako Palma, Sevilla, Kanaria Handiko Las Palmas eta Tenerifen kokatutako Informazio Bulegoen sarea. 

Lliria-ko (Valentzia) Bahá’í Ikasketa Zentroan mintegi, uda eskola eta ikastaroak antolatzen dira; horietan, Espainiako eskualde desberdinetan egiten diren antzeko ekimenetan bezala, Bahá’í Fedearen irakaspenen ikasketa sustatzen da gai desberdinetan, hala nola hezkuntza, familia, bakea, aurrejuzkuen deuseztatzea, gizateriaren batasuna, etab. 

Presentzia aktiboa gizartean

Duela 20 urte pasatik hona, Espainiako Bahá’í Erkidegoak laguntza ematen du Nazio Batuek aldarrikatutako Nazioarteko Egun eta Urteetan, ehundaka ekintza publiko antolatuz geografia espainiarrean barrena eta herritarren sentsibilizazio kanpainak sustatuz. 

Ahalegin hauen isla Bahá’í Argitaletxeak kaleratutako argitalpen ugari dira, gaurkotasun handiko gaien inguruan: biztanlego indigenoak, gutxiengoen eskubideak, familia, tolerantzia, pobrezia, natura eta ekologia.  

Bahá’í Komunitatea Giza Eskubideen Defentsa eta Sustapenerako Elkarteen Federazioaren eta Garapenerako Elkarlanerako GKEen Estatu Koordinadoraren kide gonbidatua da. Era berean, Kanpo Arazoetako Ministerioaren Giza Eskubideen Bulegoaren bileretan egoten da. 1993an, Vienan egindako Giza Eskubideen Mundu Konferentzian parte hartu zuen Plataforma Espainiarraren partaide izan zen. Nazio Batuek Gizarte Garapenaz (Kopenhage) eta Emakumeaz (Pekin) antolatutako azken Mundu Konferentzietan ere parte hartu izan du. 

Bahá’í Mundu Komunitateak garapen sozial eta ekonomikoaren alorrean egindako ahaleginak 1.500dik gora proiekturen kudeaketan gauzatzen dira, toki eta eskualde mailakoak, azpigarapen, inguramenaren degradazio, bazterkeria eta pobreziaren arazoak konpontzera bideratuak. Espainiako Bahá’í Komunitateak, bere aldetik, laguntza ematen du ahalegin horietan giza baliabideak eta ekonomikoak hornituz; horri guztiari esker, esperientzia aberats bat biltzen ari da, gure gizartearen premietara aplika daitekeena. 
 

Argitalpen ahalegina

Ahalegin horien isla dira) Bahá’í Argitaletxeak gaurkotasun handiko gaien inguruan (biztanlego indigenoak, familia, tolerantzia, pobrezia, natura eta ekologia) kaleratutako argitalpen ugari. Bahá’í idazkiak espainieraz argitaratu eta banatzeaz gain, Baháí Argitaletxea itzulpenak egiten ari da katalanera, euskarara eta galegora. 

Argitaratutako obren katalogoan 200 bat liburu daude, bost apartatu handitan bana daitezkeenak: Idazki Sakratuak, teologia, historia, interes sozialeko obrak, garapen pertsonaleko gaien inguruko entseguak eta haur argitalpenak. 

Bahá’í Argitaletxeak One Country aldizkariaren espainierazko bertsioa argitaratzen du 1993z geroztik. Nazioarteko Bahá’í Komunitatearen argitalpen hau nazioarteko izaerako gaietan, gatazka konponketan, inguramenean, giza eskubideetan eta garapen sozial eta ekonomikoan interesatuta dagoen jendeari zuzenduta dago. Hiru hilabetero argitaratzen da, harpidetza sistemaz banatzen da eta ingeles, alemaniera, frantses, errusiera eta txineraz ere argitaratzen da. 

Gertakari handien anfitrioia

Azken urteotan, Espainiako Bahá’i Erkidegoak kontinente mailako zenbait gertakari garrantzitsu antolatu ditu, esaterako, Gazteriaren (1989) eta Emakumearen (1990) Europar Konferentziak. Era berean, eta estatu mailan, 1992ko I. Bahá’í Biltzarra eta Bahá’í Ikasketen Elkartearen Urteroko Konferentziak azpimarra daitezke. 1994ko uztailean beste Gazteriaren Europar Konferentzia bat izan zen Bartzelonan, San Petersburgo, Berlin, Bucarest eta Manchesterren egindakoen aldi berean. 1997an, Espainiako Bahá’í Erkidegoak berrogeita hamargarren urteurrena ospatu zuen ekintza multzo zabal baten bidez, haien artean Biltzar handi bat, zeinera Europa osoko bahá’í-ak gonbidatuak izan baitziren.     Bestelako irakurketak

"Bahá'í-ak, Nazioarteko Bahá'í Erkidegoaren publikaziotik hartutako testua".

Atzera  |  Gora |  Hurrengora

Virginia Orbison, Espainian modu iraunkorrez finkatu zen lehen bahá’í-a, 1947an.

iarIberiar penintsulako bahá’í-en lehen Erregio Batzarraren hautaketa, 1957an. 

Espainiako Bahá’í Erkidego guztietako ordezkariak urtean behin biltzen dira Bahá’í Nazio Batzarra osatzen duten bederatzi kideak hautatzeko.