Aditu ingeles baten eta Bahá'u'lláh-ren arteko topaketa

1890ean, Bahá’u’lláhk Edward G. Browne orientalista ospetsua hartu zuen Bahjín. Bahá’u’lláhrekin hitz egin eta Harekiko topaketa jasota geratu den mendebaldar bakarra izan zen. Hona haren iritzi batzuk:  

“Ezingo dut inoiz ahaztu ikusi nuen pertsona, eta hala ere ezin deskriba dezaket. Begi arakatzaile haiek neure arima irakurtzen zutela zirudien. Haren kopeta zabalean indarra eta autoritatea zeuden. (...) Ez zen beharrezkoa izan noren aurrean nengoen galdetzea, argi geratu baitzitzaidan erregeak bekaizti diren eta enperadoreek alferrik irrikatzen dituzten miresmen eta maitasunaren xedea zen haren aurrean makurtzean! 

Ahots duin eta ezti batek esertzeko esan zidan, eta honela jarraitu zuen: “Goretsia bedi Jainkoa nireganaino iritsi zarelako! (...) Preso bat, erbesteratu bat ikustera etorri zara. (...) Munduaren ongia eta nazioen zoriona besterik ez dugu nahi; hala ere, matxinada eta areriotasun sortzailetzat jotzen gaituzte, espetxe eta deserriratzea merezi omen dugu. (...) Borroka hauek, odol isurtze eta haserre hau geldituko dira, eta gizaki guztiak sendi bakarreko kideak izango dira. (...) Ez dadila inor bere aberria maite izateaz harrotu; bere lagun hurkoak maite izateaz harro dadila. (...)” 

Hurrengo orrietan 

• Errebelazio metodoa [24.orr.]
• Bahá'u'lláhren idazkiak [25.orr.]