1- 800 - 22 - UNITE

Bahá'í Fedeari buruzko informazioa Estatu Batuetan

Bahá'í-ak

magazinari buruz

Bahá'ulláh-ren Idazkiak

Tamaina dezenteko zenbait idazlan ezezik, Bahá’u’lláh-k “Oholak” bezala ezagutzen diren dokumentu sorta handi bat ere idatzi zuen, haietatik gehienak Bere jarraitzaileei zuzenduak. Kalkulatu zuen Bere ohol guztiak bilduko balira, guztira ehun bat liburuki okupatuko lituzketela. Haren idazkietan estilo ugari agertzen dira; gainera, pertsiera eta arabiera txandakatzen zituen, etorri handia baitzuen Bahá’u’lláh-k bi hizkuntzotan. 

Bahá’u’lláh-ren irakaspen etikoen muina Hitz ezkutuak izeneko liburuska batean daude bilduta, hain zuzen Haren egitekoaren lehen garaian idatzitako aforismo bilduman. Obra hori deskriba liteke esanez Jainkoaren elkarren ondoko errebelazioek destilatutako hondar izpirituala dela. 

Bahá’u’lláh-ren doktrinaren azalpen nabarmenena Kitáb-i-Iqán (Ziurtasunaren Liburua) delakoan aurkitzen da. Jainkoaren borondatearen ikuspegi zabala deskribatzean, Iqánek erlijioaren arazo behinenak aztertzen ditu: Jainkoa, gizakiaren izaera, bizitzaren zentzua eta Errebelazioaren zeregina. 

Bahá'u'lláh-ren idazki mistikoen artean hoberen ezagutzen dena Zazpi Aranak izenekoa dugu. Hizkuntza poetikoa erabiliz arima bere Kreatzailearekin bat izateko egiten duen bidaia erakusten digu.

Baina leku nagusia Kitáb-i-Aqdas (Libururik Sakratuena) dena okupatzen du. Akren emandako erbeste egun garratzenetan errebelatua, Aqdas, bahá’í sinesbidearen “Liburu Nagusia”, Bahá’u’lláh-k Mundu Ordena Berriarentzat sortutako lege eta erakundeen gordailu nagusia da. 

Idazki sakratuak beste hizkuntzetara itzultzeko prozesuak erritmo onean jarraitzen du. Ingeleserako itzultze eredua Shoghi Effendi-k finkatu zuen, alegia, 1921etik 1957 arte Bahá’í Fedearen buru izandakoak [ikus 55. orr.]. Oxforden ikasitako Shoghi Effendik egindako itzulpenek, ingelesaren ezagutza bikaina erakusteaz gain, Testuen esanahiaren azalpen baimendu bat islatu ere egiten dute. 

Bahá’u’lláh-k erabilitako arabiera eta pertsieraren izaera gartsu eta emotiboa behar bezala islatuko zuen estilo ingeles baten xerkan, Shoghi Effendik ingeles zaharkitu samar bat aukeratu zuen, zeinak Bibliaren King James bertsioarena baitakar gogora. Estilo horri atxikiz, izenorde maskulinoa hautatu zuen Jainkoari buruz idaztean, nahiz Bahá’u’lláh-ren irakaspenek argi eta garbi ikustarazi Sortzaileak ez duela genero desberdintasunik onartzen. Era berean, Shoghi Effendik puntu diakritikoak erabili zituen izen arabiar eta pertsiarrak transkribatzean, praktika hau Bahá’í Erkidegoak salbuespenik gabe jarraitzen duelarik. 

Emaitza gisa lortutako estiloa ingeles modernoaren eta Bahá’u’lláh-ren arabiera eta pertsieraren arteko zubia-edo da. Hori dela eta, beste hizkuntzetara moldatzerakoan, Shoghi Effendiren bertsioetara jotzen da, eta ez arabiera edo pertsierazko jatorrizko testuei. 

Bahá’u’lláh-ren idazkien zati hautatuen itzulpenak daude 800dik gora hizkuntzatan.

"Bahá'í-ak, Nazioarteko Bahá'í Erkidegoaren publikaziotik hartutako testua".

Atzera  |  Gora |  Hurrengora

1992ko irailean, zenbait bahá’í eskuizkribu jatorrizkoren erakusketa berezia zabaldu zen Museo Britaniarrean, haien artean Bahá’u’lláh-ren beraren batzuk. Argazkian, eskuinera Sheila Canbe Doktorea, John Addis Galeriaren Kontserbadore Laguntzailea, eta J. Barnabas Ohoretsua, Bahá’í erkidegoaren ordezkaria Erresuma Batuan.