1- 800 - 22 - UNITE

Bahá'í Fedeari buruzko informazioa Estatu Batuetan

Bahá'í-ak

magazinari buruz

Bahá’í-ek beste erlijioak nola ikusten dituzten

Bahá’í-ek erlijioak erlijio bakarra direla diotenean, ez dute esan nahi sinesmen eta erakunde desberdinak gauza bera direnik. Esamolde horrek esan nahi duena da erlijio bakarra dagoela, eta Jainkoaren mezulari guztiak beren izaera gero eta gehiago errebelatuz joan direla. Munduko erlijio handiak, oro har, plan jainkotiar bakar baten adierazpen mailakatua dira: “Jainkoaren Fede aldaezina, eternala iraganean eta eternala etorkizunean”. 

Jatorri erlijioso guztietako pertsona askok aitortzen dute beren jatorrizko sinesmenek piztutako promesa eta itxaropenak Bahá’í Fedean betetzen direla. Era berean, Amerika eta Afrikako jatorrizko biztanleak diren bahá’í-ek beren tradizioetako ikuspen profetikoen egiaztapena ikusi dute bahá’ítar irakaspenetan. 

Jatorri juduko bahá’í-entzat, Bahá’u’lláhk “hamar mila santu”ez lagundutako “Osteen Jaun” aginduaren etorrera gauzatzen du. Bahá’u’lláh, Abrahamen leinukoa eta “Jeseren adarraren ondorengoa”, nazioak gidatzera etorri da “beren ezpatak golde bilaka daitezen”. Bahá’u’lláhk Israelen Lurrean emandako erbestealdiaren alderdi asko, Haren bizitzako zenbait egite historiko eta hil osteko beste batzuk profezia bibliko anitzen betetze gisa interpretatzen dira. 

Jatorri budistako bahá’í-entzat, Bahá’u’lláhk “Maitreya izeneko Budaren, konkordia unibertsalaren Budaren” etorrerari buruzko profeziak gauzatzen ditu, eta, tradizio budisten arabera, bakea eta argitzapena ekarriko dizkio gizateria osoari. Budak “Mendebaletik” etorri beharrean profezia askoren betetzea ikusten dute; izan ere, ohartarazten duten bezala, Iran Indiaren mendebalean dago kokatuta. 

Tradizio hinduko bahá’í-entzat, Bahá’u’lláh Krishnaren haragitze berria bezala etorri da, “Hamargarren Berraragiztatzea” eta “Izpiriturik Handiena” da. Bera da “Ez jaiotzarik ez heriotzarik ez duena”; Bhagavad-Ghitaren promesaren arabera, “ontasuna jaisten den” aldi orotan itzuli egiten dena “zuzentasuna berrezartzeko”.  

Tradizio kristauko bahá’í-entzat, Bahá’u’lláhk Kristoren itzuleraren -“Aitaren Glorian” eta “lapurra gauean bezala”-promesa paradoxikoak betetzen ditu. Fedea 1844an fundatu izanak badu zerikusirik profezia kristau askorekin. Esate baterako, bahá’í-ek ohartarazten dute Afrikaren bihotza ez zela kristautasunera zabaldu 1840. hamarkada arte, eta hau eskuarki interpretatu izan da promesa baten gauzatzea bezala, hain zuzen ere Kristo “Ebanjelioa nazio guztiei predikatua izan ostean” etorriko zela zioena. Bahá’u’lláhren irakaspenetan Kristoren promesa bat beteta ikusten dute, hain justu Hark jende guztiak “Artalde bakarra eta artzain bakarra izanik” bateratuko zituela zioena. 

Tradizio musulmaneko baháítarrentzat, Bahá’u’lláhk Koranen promesa bat betetzen du, hots, “Jainkoaren Eguna”ri eta “Iragarpen Handia”ri dagokiena; orduan, “Jainkoa” “hodeiez estalita” jaitsiko da. Babi eta Bahá’í Fedearen jaiotzaren inguruko egite tragikoetan tradizionalki Mahomari egotzitako baieztapen asko, luzaro enigma hutsa izandakoak, bete egiten direla ikusten dute. 

Datozen orrietan: 

• Bahá’í Gurtza Etxeak [38. orr.]

 

"Bahá'í-ak, Nazioarteko Bahá'í Erkidegoaren publikaziotik hartutako testua".

Atzera  |  Gora |  Hurrengora